مقتطفات

لا هيدي ما بدي اقول ما بدي خلي حدا يشوفني. بعدين لمّا بده يحاسبك يوم القيامة "بأفضل ما كنتم تعملون" {بِأَحْسَنِ مَا كَانُوا يَعْمَلُونَ} هيك بالقرآن والله ما حكياتي. يحاسبك.. انت صلّيت صلاة.. احلى صلاة صلّيتها يضربها لك بالباقيين. الله الكرم الإلهي. {بِأَحْسَنِ مَا كَانُوا يَعْمَلُونَ} أحسن شي انت عملته. تصدّقت رحت أخبرت العالم وتصدّقت ما خبّرت حدا خليتها بينك وبين الله. نفسك تقول لك قل قل انك كريم قل. لا هيدي ما بدي قول ما بدي خلي حدا يشوفني. هيدي الصدقة ضرب سبعين يمكن يضاعفها الله لك بأضعاف مضاعفة لا تدري الله أعلم.

كله ماديّات! تجارة! مصاري! نسوان! سيارات! بتقول أنا اشتقت للرّوحانيات{ وَكَذَٰلِكَ أَوْحَيْنَا } إلى النّبيّ ﷺ شو؟ هيدا {رُوحًا } سمّاه روحاً هيك بتتروحن! هلق الغرب إلى ماذا يفتقد؟ التكنولوجيا؟ مليانة. المال؟ بالمليارات نبينا قال كان من ١٤٠٠ سنة قال بآخر الزمان سيكثر المال. المال ح يكتر كتير. عنجد صار فيه مليارات وبليارات.. تريليونات مش مليارات بس. قال بآخر الزمان بيصير فيه كتير مال بس ما فيه سعادة بس ما فيه ايمان بس ما فيه برّ الوالدين منخسر برّ الوالدين.. كلهم هول قالهم ﷺ. منخسر برّ الوالدين بيصير الولد عامل حاله هو الأمّ على أمّه والبنت هي عاملة الأمّ على أمّها هيدا العقوق. يكثر العقوق ويكثر الزنا ويكثر القتل وتكثر الزلازل. صدقتَ يا رسول الله! هيدا نبينا هيدول شي من حكياته ﷺ. 

حطّ منبّه حطّ اتنين حطّ تلاتة حطّ واحد بالحمّام حطّ واحد فوق فوق على الخزانة. بتلاقي حالك.. حطيت واحد جنبك بتطفي اول واحد بترجع بتروح عالخزانة بتطفي التاني انت وشابّ بتطفي التالت ما قادر تصلي. خفّف ذنوب يعني. صلاة الصبح صعبة عليّ يعني هي صعبة على المنافقين. نبينا ﷺ يقول صلاة العشاء وصلاة الصبح صعبة على المنافقين. أما إذا مش منافق معبّى ايمان معبّى نور أول شي بتكون صعبة عليك بعدين؟ سبحان الله بيصيروا بيفيقوك. يا بتفيق بنمام يا بتفيق حدا عم يضربك كفّ يمكن فايق من الشوب يمكن فايق من البرد فيه شي بده يفيقك. يمكن كابوس! المهم فقت. قمت تصلي. أحمد الله فقت لقيت حالك عايش. قمت تصلي الصبح. امبارح دفنّا واحد اطلّع على حالك قل هو ما بقا فيه يصلي الصبح. أنا فيني صليه. هيك احكي مع نفسك.

بتقول هيدا عمل فيني هيك وعمل فيني هيك وهيدا لا لا لا! ولا يصلي ولا يصوم وخاين وابن حرام وما بعرف شو. ليه تركتيه؟ شو بتقول المؤمنة؟ بتقول مياتي خلصوا من عنده. خلاص الله ما بقا كاتبلي لا آكل ولا أشرب على حسابه. هيك بتقول. بس إذا كان صار الوقت أنه ما يضل فيه اتنين مع بعض ما يعود فيه شربة ماء أشربها عند زوجي تحمّلت المرأة فوق طاقتها خلاص! بيكون هلق أذِنَ الله عز وجل أنه يتركوا بعض. بتقول هيدا عمل فيني هيك وعمل فيني هيك وهيدا.. هيدي بتكون "ينكرن العشير" عمل فيني وساوى ولا يصلي ولا يصوم وخاين وابن حرام وما بعرف شو. لا لا لا لا